Këshilli i Lartë i Drejtësisë ka shkarkuar nga detyra gjykataren e Elbasanit Pajtime Fetahu.
KLD bën me dije se hetimi ndaj saj ka nisur më 3 shkurt të këtij viti, pas denoncimit në një emision investigativ.
Sipas KLD-së, një qytetar në vitin 2016, ka zhvilluar disa biseda me një punonjës policie, nga “përmbajtja e të cilave ngrihen dyshime se gjyqtarja Pajtime Fetahu ka kryer akte dhe sjellje që diskretidojnë rëndë figurën e gjyqtarit në funksion të zgjidhjes së parregullt të një çështjeje gjyqësore penale. Konkretisht, ngrihen dyshime se ajo ka dhënë vendim kundrejt marrjes së parave. Nga përmbajtja e bisedës, ngrihen dyshime se gjyqtarja Pajtime Fetahu pranon se ka patur dhe ka pranuar të ketë ndërhyrje të papërshtatshme për zgjidhjen e çështjes gjyqësor”, thuhet në dokumentin e KLD-së.
Hetimi disiplinor dhe raporti përfundimtar pritet të kryhet brenda një muaji.
