Ministrja e Kulturës, Mirela Kumbaro ka shkarkuar nga detyra drejtorin e Muzeut Kombëtar, Melsi Labi.
Bëhet me dije se shkarkimi i tij erdhi pak ditë pasi ky i fundit kritikoi vëmendjen e ulët që i kushtohet institucionit që ai drejton.
Labi u emërua në nëntor të 2013-ës dhe është shkarkuar sot nga detyra për shkak se sipas ministrisë, akuzat e tij nuk qëndrojnë.
Melsi Labi tha se buxheti që pritet t’i akordohet Muzeut për vitin 2017 është disa herë më i ulët sesa realisht i nevojitet.
“Buxheti për 2017 nuk ka dale ende, por pritet të jetë 13 ose 14 milion lekë të reja. Ndërkohë nevojat e menjëhershme të Muzeut, për 70 milion lekë të reja minimale. Na kanë futur në një betejë për mbijetesë. Ndërkohë harxhohen miliona euro në hapjen e muzeveumeve si Bunkarti etj, ku privati merr lekët dhe i i fut në xhep. Ndërsa këto pasuri kombëtare që i kemi, nuk i ruajmë. Është detyrë e Ministrisë ta mbajë Muzeun, sepse janë lekët e taksapaguesvë”, ka thënë Labi.
