Ministri i Jashtëm Ditmir Bushati tha se për votën rreth traktatit te ndalimit te armëve bërthamore ka dhënë sqarim shterrues për deputeten e PD Topalli, ndërsa presidentit të Republikës, i është përgjigjur me shkrim, ashtu siç institucioni i të parit të shtetit e kërkonte.
Nga Shkodra, pas takimit me strukturat e PS, Bushati ka shpjeguar sërish votën kundër në OKB.
“Ministria e jashtme ka operuar në përputhje me të gjitha rregullat në fuqi, sqarimi ynë ka qenë shterrues, si për shqetësimin e ngritur nga deputetja Topalli, po ashtu i jemi përgjigjur edhe presidentit të Republikës. Presidenti ka kërkuar shpjegim në rrugë shkresore, dhe ne ashtu i jemi përgjigjur”, tha Bushati.
