Kuvendi nuk zgjedh dot tre anëtarë të Autoritetit që ishte parashikuar në ligj të ketë akses në dosjet e Sigurimit të Shtetit
Vullneti politik për të mbështetur me 28 firma të deputetëve të Kuvendit tre nga 5 anëtarët e Autoritetit që do ketë akses në dosjet e ish- Sigurimit të Shtetit, po e bën ligjin e dosjeve të pazbatueshëm. Ligji u miratua me 84 vota në prill të vitit të shkuar dhe për Autoritetin janë përzgjedhur 13 kandidatë, nga të cilët do të zgjidhën vetëm 5. Mungesa e mbështetjes së tre prej tyre nga 28 deputetët aktualisht po mban peng një ligj mjaft të debatueshëm politikisht dhe që lidhet me pastërtinë e figurës se zyrtarëve të lartë.
10 muaj nga miratimi në Kuvend, ligji për hapjen e dosjeve të sistemit komunist, nuk po zbatohet. Edhe pse është politika që trumbeton çdo ditë gatishërinë për të zbardhur të kaluarën e errët të zyrtarëve publik në kohën e diktaturës, mungesa e vullnetit politik po e bën të pazbatueshëm ligjin. Sipas nismës ligjore të miratuar në Kuvend me 84 vota, do të ishte Autoriteti për Infomimin më të dhënat e ish-Sigurmit të Shtetit që do të kishte akses në dokumentet e ish-Sigurimit të Shtetit për peridhën 29 nëntor 1944 deri në 31 mars 1990, por Autoriteti ende nuk është ngritur.
Një Komision i Posaçëm Parlamentar, përzgjodhi 13 kandidatët për 5 anëtarët që duhet të ketë Autoriteti, por ata ende nuk janë përzgjedhur. Ligji përckaton se 1 anëtar propozohet nga qeveria, e cila ka përzgjedhur Gentiana Sulën që do të drejtojë Autoritetin, një nga ish të përndjekurit që kanë zgjedhur Daut Gumentin, i cili është edhe anëtari i dytë ndërsa tre kandidat duhet të jenë përzgjedhje e Kuvendit. Janë pikërisht këta tre kandidatë të cilët po pamundësojnë funksionimin e Autoritetit. Kjo për shkak se secili prej tyre duhet të marrë mbështetjen e 28 deputetëve të Kuvendit të Shqipërisë për tu votuar në Kuvend, fillimisht me shumicë të cilësuar dhe në votimin dytë me shumicën e thjeshtë. Por deri më tani këtë besim nuk e ka marrë asnjë prej kandidatëve. Vetëm një javë më parë, të gjithë kandidatët kanë marrë edhe çertifikatën e sigurisë nga Agjencia e Informacionit të Klasifikuar, çka e bën politikën përgjegjësen e vetme për zbatimin e këtij ligji kaq shumë të diskutuar.
Oranews
