Veliaj: Debateve të fundit brenda koalicionit, qytetarët duan të shohin punë dhe jo telenovela.
Pas mbledhjes së kryesisë së PS-së, Kryetari i Bashkisë së Tiranës, Erion Veliaj, u shpreh se selia rozë ka ndezur motorët e fushatës së 18 qershorit dhe se PS do arrijë të fitojë zgjedhjet parlamentare.
“PS ka ndezur motorët për fitoren e 18 qershorit. Puna jo vetëm në tiranë, por në gjitha bashkitë, do të garantojë këtë fitore. Ka nevojë gjithmonë për telenovelë, por një parti e matur është e fokusuar të gjërat e rëndësishme, janë ato që vënë ushqim në tryezën e çdo shqiptari. Qytetarët që votojnë presin ta shohin qeverinë në punë, presin t’i shohin kryetarët e bashkive në punë. Bashkimi e bën fuqinë, jemi më të bashkuar se kurrë. Jemi të vendosur për të pasur një fitore edhe më të thellë këtë vit. Edhe bashkitë do të kenë rol dhe fati i punëve të nisura ka të bëjë me suksesin e kësaj qeverie. Unë investohem në këtë ekip, si anëtar i këtij ekipi”, tha Veliaj.
Në lidhje me shkarkimin e ish-ministri të Drejtësisë, Ylli Manjani, Veliaj tha se skuadrën e bën kapiteni, në këtë rast kryeministri Edi Rama.
Sa i takon koalicionit me LSI, Veliaj theksoi se marrëveshja e PS me këtë forcë politike është përtej një mandati. Sipas tij, në PS nuk ka zëra kundër koalicionit me LSI.
