Nga Wil FULTON
Përveç miliarda njerëzve të dëshpëruar që përpiqen me ngulm në Google të kuptojnë pse interneti ka dalë jashtë funksionit, mjaft gjëra të tjera të këqija do të ndodhnin nëse interneti do të shuhej, madje edhe për pak ditë. Interwebz Reddit, është një hapësirë online ku bëhen shpesh diskutime pasionante dhe të një niveli të mirëinformuar dhe diskutimi mbi këtë subjekt ka sjellë përgjigje shumë interesante. Shumica e tyre mund të përmblidhen në; Nuk ka internet = kohë të vështira për të gjithë.
Nuk ka ushqim
Nëse interneti do të “vdiste” për dy ditë do të shkaktonte efekte të mëdha dhe pengesa në furnizimet me ushqim për javën e ardhshme: “Çdo gjë është ngritur në lidhje me internetin, nëse ai bie nuk ka asnjë mënyrë për të monitoruar të gjitha furnizimet që janë vazhdimisht në lëvizje. Në qoftë se interneti nuk do të punonte për një javë do të ishte mjaft shkatërruese”.
Bizneset do të vuajnë, por spitalet mund të jenë në rregull (për pak kohë)
Shumë biznese thonë se do të mbylleshin tërësisht nëse nuk do të kishte internet.Sa i përket situatës në spitale, Jabberminor, një punonjës spitali, thotë: “Ndërsa spitali ka data-bazën e vet, ai ka shumë informacione në internet. Pra spitali mund të funksionojë, por jo me kapacitet të plotë”.
Ofrimi i shërbimeve
Flaghammer jep reagimin e tij profesional për kërkesën dhe ofertën, si një shofer kamioni: “Unë nuk do të bëja dot asnjë lëvizje pa internet, kamioni im nuk mund as të mbushet me naftë pasi unë nuk e përdor dot kartën e karburantit, ku unë shkruaj numrat magjikë në pikën e furnizimit dhe direkt paratë merren nga karta ime”.
Tregu i aksioneve do të dalë jashtë binarëve
Knotninja shkruan “Tregu i aksioneve ka të ngjarë të mbyllet nëse do të ketë një ndërprerje totale të internetit. Transaksionet e kreditit për blerjet do të ndalen. Asnjë bankë nuk do të kryejë dot transaksione bankare …. Unë do të thoja një ndërprerje e gjatë do të përbënte një emergjencë kombëtare. Do të ishte një goditje e madhe ekonomike në të njëjtën kohë.”
Në një postim shumë të detajuar një përdorues thotë se”Për një person të zakonshëm pasojat e bursës do të duhet disa ditë që të ndihen, megjithatë një mori institucionesh dhe sektorë të prekur do të shkaktonin panik global dhe trazira. ”
Në thelb, nuk ka internet që do të llogariste një dëm të tillë
Në një nga postimet më të gjata ka detaje të tmerrshme: “Menjëherë, rreth 80% e të gjitha shërbimeve do të ndërpriten. Televizioni nuk do të punonte dhe të gjitha mjetet bazë të informacionit si telefonat celularë, kompjuterat, TV-të, gjithë çfarë është në linjë, edhe telefonat tuaj fiks do të preken. Trafiku është i lidhur me kompjuterat dhe pas 3-4 orësh, edhe transporti publik do të ishte i bllokuar. Ditë pas dite të gjitha shërbimet do të futeshin në kolaps. Sigurisht të gjitha makinat e kartës së kreditit, ATM-të. Pra, të gjithë do të kenë para për shpenzimet vetëm sa ju ndodhen në kuletat e tyre. ”
Cilat janë pasojat e një skenari të tillë?
“Në radio, Presidenti më në fund i drejtohet kombit, me raportet e plaçkitjeve të përhapura dhe trazirat, vështirësi për policinë për të mbajtur rendin civil, dhe spitalet duke marrë një fluks masiv të lëndimeve nga të gjitha incidentet dhe aksidentet.” Dhe në qoftë se Interneti nuk do të kthehet më kurrë: “Bota ka ndryshuar pergjithmone, kur tregjet e aksioneve do të mund të kthehen pas 2 javëve. Ka një panik publik dhe një depresion global të shkaktuar nga e gjithë kjo gjë. Infrastruktura dhe prodhimi masiv janë ndërprerë. Kjo mund të çojë drejt fundit, në pikën ku produktet bazë si qumësht, vezë, dhe benzinë nuk gjenden edhe pse çmimet janë në nivel rekord. Qeveritë dhe ushtritë e gjithë botës kanë qenë në gatishmëri të lartë. E gjitha kjo… vetëm nga një ndërprerje 48 orëshe e internetit!”
Kjo ka ndodhur me të vërtetë më parë!
Një nga përdoruesit flet për një përvojë të tillë, megjithëse në një shkallë shumë më të vogël: “Unë jetoj në Arizona dhe një incident i kohëve të fundit bëri shumë të qartë se sa të varur jemi nga interneti. Dikush preu një linjë në Phoenix. Ajo bllokoi telefonat celularë dhe internetin në gati gjithë shtetin. Për shkak se nuk kishte komunikim (me përjashtim të radios) shumica e njerëzve nuk e dinin se çfarë po ndodhte. Ndërsa në total ishte ndoshta më pak se 12 orë, paniku ishte shumë i qartë. Bankat mbyllën dyert e tyre. Dyqanet ushqimore u thanë njerëzve të mos vijnë nëse ata nuk kanë para KESH me vete”.
Pra, pyetja është: mund të ndodhë me të vërtetë një ndërprerje në shkallë të gjerë?
Në mesin e shumë argumenteve teknike, argumente jashtëzakonisht të lodhshme (duke filluar nga sulmet terroriste në aksidentet e mëdha), nëse ajo që ne quajmë “Internet” mund të ndodhë që ndonjëherë mund të bëhet plotësisht i vdekur, një mundësi e vërtetë legjitime u ngrit dhe mbi të shumica e njerëzve bien dakord: një stuhi diellore.
“Është krejt e mundur në qoftë se ka pasur një shpërthim diellor mjaft të fortë për të shkaktuar këtë gjë, një humbje të internetit për ditë, ose edhe muaj. Ne e dimë se stuhitë e tilla nuk janë të papara, kështu që nuk është një probabilitet i mirë se mund të ndodhë përsëri në një moment”, shkruan një përdorues.”Një shpërthim mjaft i madh diellor në teori mund të shkaktojë një valë të atillë në Tokë që të shkatërrojë të gjitha pajisjet elektronike. Shanset për këtë janë shumë të pakta, por është e mundur”./27.al/
