Paris: “Kur isha 15 vjeçe tentova të vrisja veten“
Paris Jackson, vajza e mbretit të pop-it, Michael Jackson ka deklaruar se babai i saj është vrarë.
Në një intervistë për revistën “Rolling Stone”, ajo thotë se, “Im atë është vrarë, jam më se e bindur për këtë gjë”.
Vajza e cila në kohën e vdekjes së të atit ishte 11 vjeçe, tashmë është në moshë madhore dhe në intervistën e gjatë flet për fëmijërinë e vështirë dhe të gjitha herët kur ka tentuar vetëvrasjen, për shkak të mungesës së vetëvlerësimit, shkruan noa.al.
“Kur isha 15 vjeçe tentova të vetëvritesha, por tani jam e qetë”, thotë ajo.
Më tej shprehet se ka humbur të vetmen gjë që kishte të rëndësishme në jetën e saj, “Çdo gjë e keqe që mund të ndodhë, nuk mund të jetë më shumë se kaq. Emri i tij ishte baba, dhe ishte shumë i rëndësishëm në jetën time”
