Linjat ndërkombëtare të autobusëve, do të kenë terminalin e tyre, i cili është ndërtuar pas pallatit të Sportit “Asllan Rusi”. Kryebashkiaku Erion Veliaj u shpreh se “Shumë shpejt do të sistemohen në një terminal të posaçëm të gjitha mjetet e transportit të udhëtarëve të linjave të jug-lindjes, duke shfrytëzuar një nga hapësirat e liruara kohët e fundit”.
“Sot hapim dy hapësira të mëdha parkingu: Për autobusët dhe për qytetarët që përdorin makinat e tyre private, përpara se të futesh te Zogu i Zi. 10 minutat e para janë pa pagesë, por, gjatë ditës është me pagesë, për t’u siguruar që të mos ndodhë si më parë, kur dikush parkonte 16 orë radhazi”, tha Veliaj.
“Edhe në hapësirën te “Qyteti Studenti”, ku tashmë është liruar hyrja e liqenit te Filologjiku nga të gjitha parkingjet dhe lavazhet aty. Parkingu mund të jetë në krahun e “Qytetit Studenti” për ata që vijnë nga juglindja e Shqipërisë”, shtoi Veliaj.
