Policia tha në mëngjes se dyshohej të ishte endacak që kishte ndërruar jetë për shkaqe natyrale. U gjet nga një bari i fshatit Priskë
Policia ka publikuar detaje të reja lidhur me kofomën e gjetur sot në malin e Dajtit. Sipas të dhënave të para pas ekspertizës rezulton se viktima ishte vrarë me dy plumba dhe ishte groposur në mal pranë fshatit Priskë në Dajt. Sipas policisë kufoma , i përket seksit mashkull dhe nga të dhënat e para dyshohet të jetë i moshës 35-40 vjeç.
Trupi i dekompozuar është gjetur në vendin e quajtur “Zabel” nga gërmimet e qenit të një bariu qe po kalonte ne ate zone.
“Kufoma ishte e groposur jo shumë thellë kur është kostatuar nga një bari i zonës, pasi qeni i bariut po germonte në vendin ku u gjet kufoma. Kufoma u transportua pranë Morgut në SQU, për ekzaminimeve të mëtejshme mjeko ligjore”, thuhet sot në njoftimin e policisë.
Sipas njoftimitë të parë të policisë, pac çaste pasi u gjet viktima, mendohej të ishte një endacak dhe se kishte ndërruar jetë për shkaqe natyrale por fakti se ishte groposur e rrëzonte që në atë moment këtë opsion. Policia ka nisur hetimet për të gjetur autorët e vrasjes së personit të gjetur sot në Dajt dhe që kishte gjashtë muaj groposur.
