Një 46 vjeçar shqiptar është ekzekutuar me 5 plumba në sy të vajzës së tij gjatë kohës që po e merrte nga shkolla
Ngjarja ka ndodhur gjatë ditës së djeshme në qytetin e Viselhovedes në Gjermani. Sipas mediave të huaja dy persona të armatosur të cilët lëviznin me motor i janë afruar 46 vjeçarit dhe e kanë qëlluar atë në sy të vajzës së tij përpara shkollës fillore.
Menjëherë autorët janë larguar nga vendngjarja pasi shqiptari ka ndërruar jetë ndërsa vajza e tij e mitur është në gjendje shoku, pasi ka parë të gjithë skenën.
Shqiptari, identiteti i të cilit ende nuk bëhet i ditur, mësohet se kohë më parë kishte punuar si rojë në një diskotekë dhe kishte rrahur brutalisht një të ri, për të cilin u dënua edhe me 1 vit burg.
Policia po punon për kapjen e autorëve dhe zbardhjen e plotë të shkaqeve të ngjarjes ndërsa përjashton pistën e hakmarrjes.
