KLSH ka kallëzuar për ndjekje penale përgjegjësin e projekteve të huaja të Autoritetit Rrugor Shqiptar për shkelje të rënda financiare në projektet e bypas-it të Fierit dhe atij të Vlorës
Sipas Kontrollit të Lartë të Shtetit nga auditimi janë konstatuar pagesa ndaj kontraktorëve privatë në kundërshtim me kontratën e punimeve civile dhe keqmenaxhim i fondeve.
Këto pagesa kanë shkaktuar një dëm ekonomik për buxhetin e shtetit me vlerë 9.4 milionë euro, në mënyrë të qëllimtë për të favorizuar privatin.
Të dy këto vepra si bypas i Fierit ashtu dhe ai i Vlorës duhet të kishin përfunduar vite më parë, por për shkak të problemeve me kompanitë ndërtuese vazhdojnë të zvarriten.
