Skyscanner: Një guidë e plotë për një vizitë turistike në vendin tonë
Shqipëria është një vend me një histori të pasur e me vende të bukura. Ky është përshkrimi që skyscanner.fr u ofron lexuesve të vet duke i nxitur që të zbulojnë disa nga gjerat më të mira në një vend të vogël si Shqipëria. Ju mund të lundroni në detet e këtij vendi, të admironi bukuritë malore ose edhe të ndërmerrni aventura si rafting ose alpinizëm. Ja çfarë mund të bëhet në Shqipëri:
Të relaksoheni në një nga plazhet e Himarës
Me një vendodhje në jug të vendit, Himara është zemra e rivierës shqiptare. Afër qytetit mund të gjeni plazhe mahnitëse si Borshi, Bunec, Gjipe, ose Livadh.
Rafting në kanionet e Osumit
Kanionet e Osumit gjenden afër qytetit të Çorovodës. Të gjata 26 km përbëjnë një parajsë për të gjithë aventurë-dashësit.
Alpinizëm në malin Dajt
Mali Dajt është një mal i blertë, që shkon deri në 1613 m lartësi. Nga lart, ju mund të shijoni panoramën e kryeqytetit. Ka dy mënyra që të mbërrijmë në majë: me Dajti Ekspres, me makinë, ose alpinizëm.
Relaks në liqenin e Shkodrës
E lokalizuar mes Shqipërisë dhe Malit të Zi, liqeni i Shkodrës është një nga liqenet më të bukura të Shqipërisë. Merr një varkë, ose merr biçikletën në brigjet e saj, aty do të mund të kaloni momente të bukura. Përgjatë brigjeve zbuloni edhe manastire të zonës.
Berati
Berati është një ndër qytetet më të vjetra të Shqipërisë. I emërtuar si qyteti i njëmijë dritareve, ka një arkitekturë të veçantë dhe është pjesë e Unesco.
Gjirokastra
Në jug të vendit, Gjirokastra është një ndër qytetet e bukura dhe pjesë e Unesco. Ju mund të vizitoni kështjellën e bukur, rrugët, Shtëpinë e Zekateve etj.
Durrësi
Durrës është vetëm 33 km larg aeroportit dhe konsiderohet si një resort me detin afër, me një amfiteatër roman që daton në shek. II dhe arkitekturë të bukur në qendër të qytetit.
Thethi
Thethi është një fshat shumë piktoresk me një park kombëtar në zemër të vendit. Është një parajsë për të gjithë të entuziasmuarit e sporteve.
