Greqia ka ndërmend të ndërtojë kampe të reja refugjatësh në ishujt përballë brigjeve të Turqisë
Ministri për Emigracionin, Yannis Mouzalas ka sqaruar se vendimi është marrë për shkak të mbipopullimit të kampeve ekzistuese.
Në strukturat e reja do të mund të qëndrojnë deri në 200 persona dhe në këtë mënyrë do të mund të përshpejtohen procedurat e shqyrtimit të kërkesave për azil.
Thuajse një e katërta e rreth 62.700 emigrantëve të bllokuar në Greqi ndodhen aktualisht në ishuj dhe nuk janë të autorizuar të largohen. Sipas Mouzalas aktualisht të gjitha kampet për refugjatë në Greqi janë të pajisur për t’u bërë ballë vështirësive të dimrit.
