Brenda 2017 në rrugën e kombit do të nisë pagesa e taksës për qytetarët. Fillimi i koncesionit kërkon një periudhë përgatitore nga 6 deri në 1 vit, ku duhet të vendosen sistemet dhe pikat e pagesave, që më pas do të marrin edhe certifikimin nga Ministria e Transportit.
Në bazë të kontratës përcaktohet se pagesa do të jetë në euro dhe për automjetet e vogla tarifa parashikohet 5 euro ndërsa për autobusët 10 euro dhe kamionët 15 euro. Konçesionari ka detyrimin që të mirëmbajë rrugën e Kombit për 30 vite duke nisur nga 2017.
Ndërsa parashikohet një investim të menjëhershëm prej 43 ml eurosh, për rehabilitim skarpatesh, sinjalistikë dhe disa segmente të dëmtuara. Gjithashtu koncesionari ka si detyrim të ndërtojë mbikalimet për mjetet dhe këmbësorët si në Kalimash, Gjegjan apo Rexhal.
Ndërkohë që ka edhe disa kategori që nuk do të paguajnë tarifë për të kaluar në Rrugën e Kombit si ushtria, autoambulancat, policia dhe zjarrfikëset.
Në kontratë, është vendosur ndër të tjera që koncesionari do të subvencionohet nga buxheti I shtetit për 13 vite me rreth 65 milion euro për mungesën e trafikut.
