Komisioni Evropian ka dhënë një fond prej 90 milionë eurosh për Shqipërinë, grand i cili do të mbështesë vendin në rrugën drejt anëtarësimit në BE. Programi synon mbështetjen në luftën kundër korrupsionit dhe reformës në gjyqësor.
Programi mbështet në mënyrë specifike zbatimin e strategjisë së Shqipërisë për luftën kundër korrupsionit dhe reformën e gjyqësorit, duke vazhduar programin e tij të asistencës teknike EURALIUS.
Gjithashtu programi mbështet sektorin e transportit, me fokus te mirëmbajtja e rrugëve për të siguruar efikasitetin në planifikimin dhe shpenzimin e burimeve publike.
Shqipëria përfiton gjithashtu nga asistenca e BE-së në kuadrin e programit shumëvendësh IPA II, që siguron mbështetje financiare në shkallë rajonale.
