Kardinal, Dom Ernest Troshani, ishte sot në sallën e Kuvendit për një mesazh përshëndetës në prag të Krishtlindjeve. Si zakonisht, politika bën kujdes që të tregojë me fjalë, gjeste e mimikë, respekt e përulje për kardinalin shqiptar, simbol i mbijtesës nga torturat e regjimit diktatorial komunist. Por, ka edhe nga ata që as u bëhet vonë për Dom Ernestin, as pse është Kardinal e aq më pak për jetën e tij të vështirë që kaloi nëpër torturat e diktaturës komuniste. E shprehin me gjeste e fjalë, urrejtjen që e kanë të ushqyer nga etërit e tyre komunistë.
Padyshim, bijtë janë në Kuvend sot dhe kanë mundësinë të përbuzin Dom Ernest Troshanin, i cili ishte në atë sallë, ndoshta në vendin e gabuar. Nuk i përket atij ajo foltore e as foltores nuk i përket Dom Ernest Troshani. Aq më pak mesazhi i tij. Nuk është foltorja e tij, është foltorja e atyre, e këtij deputeti të Fierit, Bujar Çela, i cili nuk e fsheh dot që nuk e shikon dot me sy, dot Dom Ernestin. Për ta duartrokitur as që bëhet fjalë, por diçka thotë nëpër dhëmbë, që me siguri është sharje…, sa që tërheq edhe vëmendjen e kolegëve që ka në krah. Ulsi Manja mbetet i habitur, kur e dëgjon, teksa kthen në mënyrë të menjëhershme kokën. Kushedi çfarë ka dëgjuar…
Shiheni videon e do të kuptoni sa i urrejnë këta bij komunistësh viktimat e tyre.
