Ambasadorja e BE në Tiranë, Romana Vlahutin kundërshtoi fort pjesët e ligjit të dekriminalizimit që u ndalon votimin një kategorie të dënuarish për krime të rënda. Ajo tha se kjo është një shkelje e të drejtave të njeriut.
“Është hera e parë në jetën time që dëgjoj që ndokush ka patur ndonjë ide të tillë. Jam e sigurtë që ky duhet të jetë një interpretim i gabuar, sepse ajo që kemi kuptuar ne është se ata që kanë kryer krime, nuk mund të kandidojnë dhe nuk mund të votohet për ta, por ama të gjithë kanë të drejtën për të votuar dhe kjo është e panegociueshme dhe baza e demokracisë”, deklaron ambasadorja e Be.
Por dokumenti që parashikon ndalimin e votimit është mbështetur nga Partia Demokratike dhe deputeti Oerdb Bylykbashi thotë se jo vetëm që është kushtetues, por edhe një praktikë e njohur në vendet e Bashkimit Europian dhe nga vetë vendime të Gjykatës Europiane të të Drejtave të Njeriut.
