Mesul Ozil duket se ka vendosur të largohet nga Arsenali në fund të këtij sezoni.
Kështu raporton Marca.
Sipas të përditshmes spanjolle, Ozil i ishte premtuar kur u ble nga Real Madrid, se Arsenali do të fuqizohej dhe do të ishte në gjendje të luftonte për fitimin e Champions League.
Por, kjo gjë nuk ka ndodhur dhe për këtë arsye gjermani, që këtë vit ka shkëlqyer, ka vendosur të largohet.
E përditshmja spanjolle shkruan se për të ka një interes të fortë nga Barcelona.
Ai u kërkua nga blaugranat dhe para transferimit te Reali, por duket se vetëm tani mund të bëhet e mundur blerja e tij.
