Kryetari i Bashkisë së Durrësit Vangjush Dako ka reagur lidhur me punësimin në Bashkinë e qytetit bregdetar të ish-kreut të bandës së Durrësit, Lulzim Berisha, i cili u lirua me kusht vetëm pak ditë më parë.
Vangjush Dako u shpreh se Berisha do të kryejë punë vullnetare në një nga ndërmarrjet e Bashkisë si ajo e pastrim gjelbërimit, dhe nuk do të paguhet për punën e tij në shërbim të komunitetit.
Dako shpjegon se Bashkia ka mbajtur qëndrim tepër korrekt në rastin e tij dhe thekson se Lulzim Berisha ka plotësuar një formular tip, i cili përfshin punë vullnetare në komunitet, ashtu si ka të drejtë të veprojë çdo i dënuar për të fituar liri me kusht.
