Një ngjarje e rëndë ndodhi pasditen e së dielës në Ksamil kur disa persona të paidentifikuar kanë qëlluar me armë zjarri një 53-vjeçar i cili për shkak të plagëve të marra në trup ka ndërruar jetë.
Viktima është Agron Xhezairi, babai i Albi Xhezairit, i shpallur në kërkim për vrasjen e Aleksandër Bardhit, vëllait të ish-kryekomunarit të Kaçinarit në Mirditë, i cili u ekzekutua me 24 shtator 2016.
Ngjarja ndodhi rreth orës 17:40, ku viktima është qëlluar me automatik në oborrin e banesës së tij.
Policia ka ngritur grupe të posaçme kontrolli për krehjen e zonës përreth me qëllim identifikimin dhe kapjen e autorëve.
