Bayern Munchen ka mundur Wolfsburg me rezultatin 5-0 dhe fal humbjes së Leipzig ndaj Ingolstadt, rimerr kreun e renditjes edhe pse me pikë të barabarta.
Rezultoi një ndeshje e lehtë ndaj Wolfsburg për skuadrën e drejtuar nga Ancelotti në “Allianz Arena”. Robben dhe Lewandowski ishin autorë të dy golave të pjesës së parë, por megjithatë edhe në 45 minutat e dyta kampionët e Gjermanisë nuk u ndalën duke arritur të realizojnë edhe 3 gola të tjerë. Polaku shënoi golin e dytë personal dhe të tretin për skuadrën e tij e ndërsa më pas shënuan edhe Muller dhe Costa për një fitore të thellë të bavarezëve.
Atëherë kur të gjithë menduan se Leipzig, surpriza e këtij sezoni në Gjermani, do të merrte një fitore të lehtë, ata u ndalën në fushën e Ingolstadt-it me rezultatin minimal 1-0.
Pas javës së 14 në klasifikimi në Gjermani udhëhiqet nga Bayern me pikë të barabarta me Leipzig me nga 33, ndërsa në vendin e tretë ndodhet Hertha me një ndeshje më pak.
