Deputetja Majlinda Bregu ka reagur lidhur me vdekjen e të ndjerën Liljana Rukaj ku i kërkon Ministrisë së Brendshme sqarime, pasi sipas Bregut, ajo ka patur një urdhër mbrojtje nga Gjykata.
Një reagim në facebook Bregu shprehet se edhe pse Liljana Rukaj ka patur një urdhër mbrojtje nga Gjykata, ajo nuk është mbrojtur dot.
Më tej Bregu ngre disa pikëpyetje për Ministrinnë e Brendëshme ku thotë se:
-Çfarë masash ka marrë policia pas vendimit të Urdhrit të Mbrojtjes për Liljana Rukaj?
-Nëse Viktima ka kërkuar ndihmë nga Komisariati i Zonës së banimit për shkelje të Urdhrit të Mbrojtes?
-Nëse burri shtazë ka thyer detyrimin për të mos iu afruar viktimës sic e cakton Urdhri Mbrojtes, a ka një ankim dhe me pas regjistrim për këtë vepër penale nga Komisariati i Fierit?
Gjithashtu Bregu ka postur në facebook dhe foto të urdhrit të mbrojtjes së të ndjerës.
Liljana Rukaj humbi jetën dy ditë më parë, pasi bashkëshorti i saj e hodhi nga dritarja e katit të katërt të banesës në të cilën jetonin.
Postimi i plotë i Majlinda Bregut në facebook:
Ministria e Drejtesisë më ka përcjellë sot, kopjen e Urdhrit të Mbrojtjes së të ndjerës Liljana Rukaj. Në urdhër thuhet se burri dhunues nuk duhet t’ i afrohet sikur edhe në dy metra distancë viktimës. Sipas ligjit për Masat Parandaluese të Dhunës në Familje, urdhri hyn në fuqi menjëherë dhe zbatimi i tij fillon pavarësisht nëse i padituri është njoftuar ose jo.
Brenda 24 orëve, gjykata u dërgon kopje të urdhrit të mbrojtjes: viktimës dhe personave të tjerë të përmendur në urdhrin e mbrojtjes; prokurorit, kur ky ka paraqitur kërkesën; zyrës së shërbimeve sociale pranë bashkisë ose komunës ku viktima, ose personat e tjerë të përmendur në urdhrin e mbrojtjes, që kanë banim të përkohshëm ose të përhershëm; komisariatit të policisë së vendndodhjes ku viktima ose personat e tjerë të përmendur në urdhrin e mbrojtjes që kanë banim të përkohshëm ose të përher- shëm. Nëse e ndjera Liljana Rukaj ka patur një urdhër mbrojtje nga Gjykata pse nuk u mbrojt dot?
Tani i takon Ministrisë së Brendshme për të sqaruar:
-Çfarë masash ka marrë policia pas vendimit të Urdhrit të Mbrojtjes për Liljana Rukaj?
-Nëse Viktima ka kërkuar ndihmë nga Komisariati i Zonës së banimit për shkelje të Urdhrit të Mbrojtes?
-Nëse burri shtazë ka thyer detyrimin për të mos iu afruar viktimës sic e cakton Urdhri Mbrojtes, a ka një ankim dhe me pas regjistrim për këtë vepër penale nga Komisariati i Fierit?
Dje jam njoftuar për nje rast të ngjashem në Ersekë, ku per shkak se pushteti vendor nuk merr përsipër dot strehimin e përkohshëm të dhunuesit, ai lejohet te jetojë në një banesë me Viktimën!!!!!
4 jane institucionet kyc që duhet të mbrojnë nje grua të dhunuar:
Gjykata që lëshon dhe bën të Ekzekutueshëm Urdhrin e Mbrojtjes.
Policia e shtetit që merr masat për ta Zbatuar atë Zyra e Përmbarimit (largon Dhunuesin nga Shtëpia) Pushteti Lokal
Kush nuk e mbrojti Liljana Rukaj?!
