Ka ndërruar jetë në moshën 90-vjeçare ish Presidenti i Kubës dhe lideri i revolucionit komunist, Fidel Castro
Televizioni shtetëror i Kubës bëri me dije se komandanti suprem i revolucionit kubanez vdiq mbrëmjen e së premtes rreth orës 22:29 minuta ndërsa trupi do t’i digjet të shtunën.
Fidel Castro ishte lider i Kubës për gjysmë shekulli dhe gjatë udhëheqjes e bëri atë si një shtet një-partiak. Më pas, në vitin 2008 ia dorëzoj pushtetin vëllait të tij, Raul Castro.
Mbështetësit e tij e kanë vlerësuar si një udhëheqës që i ka kthyer Kubën popullit, dhe që ka bërë shumë për vendin. Ndërsa kundërshtarët e akuzojnë se ka shtypur në mënyrë brutale opozitën.
