“Procesi i integrimit të Shqipërisë është një çështje e brendshme, që i takon klasës politike shqiptare, ndërsa ndërkombëtarët do ta mbështesin atë”. Keshtu ka deklaruar sot Ambasadorja e BE, Romana Vlahutin, ne Tirane gjate konferencës “Mbështetja e BE-se dhe qytetarët shqiptarë – një perspektivë rajonale”. “Detyrimi për ti shpjeguar shqiptarëve procesin është përgjegjësia e politikanëve, dhe e të gjitha atyre të cilët kanë të bëjnë me këtë proces. Është edhe përgjegjësia jonë. Është dialogu juaj i brendshëm që do të luajë një rol. Është rrugëtimi juaj dhe dialogu është brenda për brenda jush.Ky është një transformim i shoqërisë, është një proces që ndryshon cdo gjë që bëhet në thelbin e vete. Është një cështje e brendshme, kurse në përpiqemi tju ndihmojmë”, tha ajo.
I pranishëm ishte edhe ministri i Jashtëm austriak, Sebastian Kruz, i cili deklaroi mbështetjen e Austrisë për procesin e Integrimit. “Besoj se 2016 mund të jetë i sukseshshëm nëse arrihen të bëhen reformat e duhura në sektorin e drejtësisë. Do të jetë një hap tejet i rëndësishëm për hapjen e negociatave. Austria do të vijojë të mbështesë Shqipërinë”, tha Sebastian Kurz .
