Njoftoi rritje të tarifave, One Albania vihet nën hetim nga Autoriteti i Konkurrencës –

Aksident tragjik në Elbasan–Cërrik, humb jetën një person, tjetri i lënduar –

Fshesa e Arbër Abazit 1.4 miliard lekë Tenderi fiktiv i Mariglen Dishës, “ALKO” me vetëm 1 kamion “pastron” Librazhdin –

“Nuk e dinim që ishte në Shqipëri” –

Kthesë në çështjen Nikulaj, Gjykata në Londër ndalon përkohësisht ekstradimin –

Kryetari i Autoritetit të Konkurrencës, Denar Biba, i ftuar në emisionin “Kjo Javë” në News24, ka folur për situatën e tregut të telefonisë celulare në Shqipëri, ndërsa kujtojmë që prej javësh abonentët e One Albania kanë shprehur pakënaqësi për rritjen e tarifave.

Reagimet e qytetarëve kanë ardhur pas njoftimit të kompanisë One Albania për rritjen e çmimeve të shërbimeve, duke filluar nga data 1 maj 2026. Sipas një mesazhi standard të dërguar abonentëve, tarifat do të rriten deri në 2.2%, bazuar në indeksin e çmimeve të konsumit të publikuar nga INSTAT.

Shumë qytetarë janë shprehur se rritja e vazhdueshme e çmimeve nuk justifikohet me cilësinë e shërbimit, e cila sipas tyre mbetet e pandryshuar.

Duke komentuar situatën mbi tregun e telefonisë celulare, Biba theksoi se ky treg në Shqipëri nuk është monopol, por ka karakteristika të një tregu me konkurrencë të kufizuar.

“Në botë ka mijëra tregje dhe shumica kanë konkurrencë. Një treg pa konkurrencë është vetëm ai monopolistik, por në Shqipëri nuk kemi tregje të tilla. Megjithatë, ka tregje duopol, si ai i telefonisë celulare, që për shkak të strukturës së tyre krijojnë problematika,” u shpreh ai.

gijotina.com/