Partia Demokratike ka thirrur sot qytetraret në protestën e radhës në bulevardin para Kryeministrisë. Ora 19:00 pritet të shënojë zyrtarisht nisjen e protestës, ndërsa Policia e Tiranës ka marrë masat për garantimin e sigurisë përgjatë 3 orëve për të cilat PD ka njoftuar se do ta zhvillojë tubimin.
Blutë e Tiranës janë kujdesur të bëjnë një thirrje të veçantë drejtuar organizatorëve të protestës, të cilëve u kanë kërkuar që të distancohen nga aktet që cenojnë rendin dhe sigurinë. Nga pamjet e sigurura shihet se përveçse qarkullimi në Bulevardin është bllokuar po vendoset gardhi metalik dhe podiumi. Në terren për mbarëvajtjen e protestës do të angazhohej 1500 efektivë. Po ashtu, edhe drejtori i Përgjithshëm i Policisë së Shtetit ndodhet në terren, për të vëzhguar nga afër situatën te ‘Blutë’ para protestës.
Pas disa tubimeve me shëtitje, të cilat nuk prodhuan asgjë veçse kaos dhe bllokimin e rrugëve, Partia Denokratike ka vendosur të rikthejë podiumin e fjalimeve përballë kryeministrisë.
Berisha fillimisht do të shkojë në selinë blu dhe nga atje do t’iu bashkohet militantëve në shesh, ku do të mbajë edhe fjalim.
Prej orës 15:00 rrugët rreth Kryeministrisë do të jenë të bllokuara për shkak të protestës.
Akset në të cilat ndalohet qarkullimi i mjeteve janë:
-Bulevardi “Dëshmorët e Kombit”
-Rruga “Ukraina e Lirë”,
-Rruga “Papa Gjon Pali II”,
-Rruga “Ismail Qemali”.
Nga ora 23:45 së enjtes është bllokuar lëvizja dhe penguar parkimi i automjeteve në bulevardin “Dëshmorët e Kombit”, nga “Ura e Dajtit” deri në rrugën “Ismail Qemali.”
gijotina.com/
