Mirlinda Karçanaj e AKSHI-t bën rekurs në Gjykatën e Lartë, kërkon heqjen e arrestit –

Ish drejtoresha e AKSHI-t, Mirlinda Karcanaj bën rekurs në Gjykatën e Lartë dhe kërkon heqje të masës.

Shorti cakton si gjyqtar të shqyrtimit të kërkesës gjyqtarin e Lartë Genti Shala

Ish-drejtoresha e Agjencisë Kombëtare të Shoqërisë së Informacionit, Mirlinda Karçanaj dyshohet si pjesë e grupit kriminal që dyshohet se drejtohej nga dy biznesmenët e shumëkërkuar Ergys Agasi e Ermal Beqiri, emrat e të cilëve janë në listën e të shumëkërkuarve të drejtësisë.

SPAK përdori si provë në Apelin e Posaçëm për ta mbajtur atë nën masën e sigurisë “arrest në shtëpi” një dëshmi të ish-zëvendësit të saj Daniel Shima që e implikon Karçanaj në aferën e përcaktimit të tenderave të institucionit.

Me vendim të Gjykatës së Posaçme, Karçanaj ndodhet nën masën e sigurisë “arrest në shtëpi”. Me heret, kjo gjykatë hoqi masën e sigurisë “arrest në shtëpi” ish-zëvendës drejtoreshën e AKSHIT, Hava Delibashi dhe caktoi masat “detyrim për paraqitje” dhe “ndalim për të dalë jashtë vendit”. SPAK goditi një grup kriminal të drejtuar nga Agasi dhe Beqiri të cilët dyshohen se urdhëronin rrëmbimin e rivalëve në biznes dhe i detyronin të hiqnin dorë nga tenderat e AKSHIT. Nën hetim janë dhe disa biznesmenë dhe zyrtarë policie.

gijotina.com/