Një ngjarje e pabesueshme ka ndodhur në kampionatin e Angolës, ku ndeshja mes 1° de Agosto dhe Petro de Luanda u kthye në një çështje gjyqësore, pasi një ekip nuk u paraqit në stadiumin e duhur.
Ngjarja ndodhi për shkak të një vendimi të Federatës së Futbollit të Angolës, që ndryshoi vendndodhjen e ndeshjes. Ekipi i 1° de Agosto, i cili ishte i treti në renditje dhe 6 pikë pas liderëve, nuk pranoi këtë vendim dhe qëndroi në stadiumin e tij, duke mos marrë pjesë në ndeshje.
Ndërkohë, Petro de Luanda u paraqit në stadiumin e duhur, zhvilloi ngrohjen, doli në fushë me gjyqtarët dhe, pas mbarimit të kohës së parashikuar për ndeshjen, iu dha fitorja 3-0 për mungesën e kundërshtarëve. Ngjarja u zhvillua në një atmosferë të pazakontë, me pak tifozë në stadium, të cilët megjithatë festuan së bashku me lojtarët e Petro de Luanda-s.
Ky episod pritet të sjellë pasojë ligjore dhe debate të mëtejshme në futbollin angolas, duke i dhënë ndeshjes një jehonë të madhe jashtë fushës së lojës
