Banorët e Durrësit kanë dalë sërish në protestë para bashkisë së qytetit, kundër projektit TID, një nismë e qeverisë shqiptare që synon të kthejë zonën arkeologjike të qytetit në një park të madh urban.
Mësohet se ditën e sotme qytetarët do zhvillojnë edhe një takim në Bashki, ku ka mbërritur edhe kryeministri Edi Rama, për të diskutuar me ta mbi projektin.
Rama mësohet se është futur në Bashki, por banorët nuk kanë mundur të afrohen e të flasin me të.
Një vendim qeverie, i publikuar në Fletoren Zyrtare në gusht të vitit 2025, parashikon shpronësimin e 74 pronarëve në këtë zonë, me çmime që vlerësohen se janë disafish më të ulëta se tregu.
Banorët e prekur e kundërshtojnë këtë vendim, ndërsa pohojnë se nuk kanë marrë asnjë sqarim dhe nuk janë bërë pjesë e dëgjesave publike.
