Policia e Shkodrës ka zhvilluar një aksion në fshatin Boriç i Madh, ku u zbuluan ambiente të përshtatura për kultivimin e kanabisit me pajisje elektrike të lidhura në mënyrë të paligjshme.
Gjatë operacionit u arrestua në flagrancë shtetasi Kol Narkaj, 35 vjeç, banues në fshatin Bratosh, ndërsa u shpall në kërkim shtetasi A. G., 36 vjeç, banues në fshatin Vrakë.
Në vijim u ndaluan edhe katër punonjës të OSHEE-së: Valentin Kuvendaj., 27 vjeç; Xhuljano Ceraj, 24 vjeç; Faik Muselaj, 63 vjeç; dhe Fatmir Kajoshaj, 58 vjeç. Gjithashtu, shtetasi A. S., 57 vjeç, punonjës i OSHEE-së, u procedua penalisht për “Shpërdorim detyre”.
Nga kontrollet në një banesë dhe dy stalla të përshtatura për kultivim, policia sekuestroi: 771 bimë të dyshuara narkotike kanabis, 6 kg e 250 gr material bimor të dyshuar kanabis, 195 llamba, 21 aspiratorë, 20 filtra ajri.
Këto pajisje shërbenin për kultivimin, tharjen dhe përpunimin e kanabisit.
