Prokuroria e Kavajës ka mbyllur hetimet dhe ka depozituar në Gjykatë dosjen hetimore ndaj gjashtë zyrtarëve të një shkolle të akuzuar për falsifikimin e dokumenteve shkollore.
Dosja në ngarkim të shtetasve Bardhyl Mastori, Vath Gjylsheni, Danjela Veliu, Ajete Degermeni, Marsida Gërmani dhe Mirsie Qahajaj, përfundoi në gjykatë pas hetimeve disamujore që nisën më 29 janar të këtij viti.
Të gjithë personat e akuzuar ishin pjesë e shkollës jo publike “Dituria” në Kavajë, e cila lëshonte diploma të falsifikuara.
