Grupi parlamentar i Partisë Socialiste i ka dërguar një kërkesë zyrtare kryetarit të Kuvendit, Niko Peleshi, ku kërkon marrjen e masave disiplinore ndaj 28 deputetëve të opozitës, pas kaosit të shkaktuar në seancën plenare të ditës së sotme.
Sipas kërkesës, për deputetët Belind Këlliçi, Fidel Kreta, Albana Vokshi, Ledina Alolli dhe Denisa Vata kërkohet përjashtim 60-ditor nga aktivitetet parlamentare.
Ndërkohë, për deputetët Elda Hoti, Gazment Bardhi dhe Sali Berisha propozohet përjashtim 30-ditor.
Masa 10-ditore kërkohen për deputetët:
Edi Paloka, Ina Zhupa, Klodiana Çapja, Oerd Bylykbashi, Enno Bozdo, Tomorr Alizoti, Ivi Kaso, Gent Strazimiri, Luan Baçi, Bledi Himçi, Greta Bardeli, Manjola Luku, Flamur Hoxha dhe Kliti Hoti.
Kërkesa vjen pas seancës së sotme plenare, gjatë së cilës opozita bllokoi punimet e Kuvendit, shkaktoi tensione të forta dhe u përplas fizikisht me Gardën, duke sjellë ndërprerjen e seancës në mes të kaosit.
