Teksa kryeparlamentari Niko Peleshi mbylli punimet e Kuvendit në një situatë të tensionuar mes Gardës dhe opozitës, që protestonte, kryetari i PD, Sali Berisha ka folur jashtë dyerve të Parlamentit.
Berisha tha se mbrëmjen e kaluar Rama ka vendosur ta “lëshojë” Ballukun.
Berisha u shpreh se Balluku duhet të dalë para shqiptarëve për të sqaruar, sipas tij, “pazaret e pista” që janë bërë dhe dëmet që i janë shkaktuar vendit.
“Beteja jonë është për ligjin, Kushtetutën, shtetin ligjor. Motoja e tyre është vidh dhe ik.
Ergys Agasi është njeriu më intim i Edi Ramës, terrorist me dy pengmarrje, dhe jeton i qetë, bile me mbrojtje shtetërore.
Lubi Balluku nuk vjen në parlament, ndonëse duhet të informoj shqiptarët se një pazar i pistë është bërë.
Pazari është, më në fund siç para njoftuar tre ditë më parë, se Rama në zgjedhjen më të vështirë të jetës së tij midis Lindës dhe Belindës, midis Lubisë dhe Belindës.
Dhe mbrëmë ka vendosur të mbajë Lindën dhe të lëshojë Belindën.
Tani, të tjerat do i ndiqni në parlament.
Por parlament me ata të cilët zbatojnë moton vidh dhe ik, nuk ka dhe nuk mund të ketë.
Ligji dhe vetëm ligji duhet të mbizotërojë”, u shpreh ai.
