Policia e Beratit ka arrestuar dy persona të dyshuar për shpërndarje të lëndëve narkotike në qytetet e Kuçovës dhe Poliçanit, si dhe ka proceduar penalisht një tjetër.
Sipas burimeve zyrtare, gjatë kontrolleve të zhvilluara nga Seksioni për Hetimin e Narkotikëve, në bashkëpunim me Forcën e Posaçme Operacionale të DVP Berat, u ndaluan shtetasit S. K., 32 vjeç, banues në Kuçovë, dhe E. S., 40 vjeç, banues në Poliçan.
Gjatë kontrollit fizik ndaj 32-vjeçarit u gjet një sasi lënde narkotike e dyshuar si kokainë, ndërsa në automjetin dhe banesën e 40-vjeçarit policia gjeti dhe sekuestroi një tjetër sasi kokaine.
“Specialistët e Seksionit për Hetimin e Narkotikëve, në bashkëpunim me Forcën e Posaçme Operacionale të DVP Berat, në vijim të punës për goditjen e veprimtarisë kriminale të shpërndarjes së lëndëve narkotike, kanë goditur 2 raste në qytetin e Kuçovës dhe të Skraparit. Si rezultat, janë arrestuar në flagrancë shtetasit: S. K., 32 vjeç, banues në Kuçovë, pasi nga kontrolli fizik shërbimet e Policisë sekuestruan sasi lënde narkotike kokainë. E. S., 40 vjeç, banues në Poliçan, pasi gjatë kontrollit të automjetit të tij dhe në banesë iu gjet dhe iu sekuestrua sasi lënde narkotike kokainë”., njofton policia.
