Një asteroid i vogël do të kalojë pranë planetit tonë në 5 mars. Ai madje do të jetë i dukshëm nga teleskopët, por nuk ka vend për panic, sepse rreziku që ai të përplaset me tokën është gati inekzistent. Sipas NASA-s rreziku që ky asteroid të përplaset me tokën është 1 në 250 milion. Asteroidi i ashtuquajtur “2013 TX68” do të kalojë afër tokës me 5 mars 2016 dhe ai do të jetë i përmasave nga 20-30 metra. Asteroidi do të shpërbëhet duke kaluar nëpër atmosferë.
NASA ka bërë ndërkohë gati dhe një listë me 5 vendkalime të mundshme në afërsi të tokës të këtij asteroidi. Ai mund të lëvizë në një trajektore mjaft të gjërë nga 17 mijë deri në 14 milion kilometra. Kjo sipas astronomëve shpjegohet me faktin që trajektorja e një asteroidi asnjëherë nuk është e sigurtë. Sidoqoftë ata sqarojnë se do ta njohin përpara trajektoren e mundshme të kalimit të “2013 TX68”.
“Teleskopët do të jenë të gatshëm që ta fiksojnë”, saktëson NASA.
