FIFA ka gjobitur Federatën Spanjolle të futbollit për shkak të kontratave të parregullta me lojtarët nën moshën 18 vjeç.
Përmes një komunikate zyrtare FIFA i lë Federatës Spanjolle në dispozicion një periudhë kohore prej 6 muajsh për të modifikuar rregulloren dhe sistemin e transferimit të futbollistëve minorenë.
Ndaj RFEF është marrë masa e ndëshkimit me një gjobë prej 200 mijë eurosh për këtë çështje.
Bëhet me dije se Federata Spanjolle ka shkelur nenin 19 të Rregullores për Statusin dhe Transferimet e futbollistëve, si dhe rregullat për regjistrimin dhe aktivizimin në kompeticione të ndryshme të lojtarëve të caktuar.
