Në deklaratat e fundit Hillary Clinton ka hequr dorë nga akuzat që vinin nga ana e rivalit të saj politik Donald Trump.
Sipas analistëve kjo tregon sigurinë që kandidatja ka marrë nga sondazhet. Në një sondazh të fundit nga Abc News e nxjerr Hillary Clinton 12 pikë përpara Donald Trump, si edhe flet se ajo ka arritur mbështetjen mbarëkombëtar të votuesve në 50 përqind, ndërsa Trump mban 38 përqind.
Ndërkohë, edhe vetë drejtuesit e fushatës së kandidatit republikan e pranuan se kanë mbetur prapa me pikë ndaj Hillary Clintonit në një kohë kur nuk kanë ngelur edhe shumë ditë nga finalizimi i garës presidenciale. Megjithatë, kampi i Trumpit nuk dorëzohet.
“Ne jemi prapa. Ajo ka disa avantazhe dhe më duhet ta pranoj, por nuk do të dorëzohemi. E dimë që mund t’i fitojmë këto zgjedhje”, deklaroi menaxherja e fushatës së Trump, Kellyanne Conway.
