Ka zgjatur për më shumë se 8 orë seanca e marrjes në pyetje në SPAK ndaj ish-ministrit të Shëndetësisë, Ilir Beqaj, ndaj të cilit krahas çështjes së sterilizimit, po kryhet edhe një hetim financiar mbi pasurinë e tij.
Beqaj ka hyrë në godinën e SPAK rreth orës 09:00 të paradites së sotme dhe ka dalë rreth orës 17:30, ndërsa në një prononcim të shkurtër për mediat tha se i është komunikuar që sendet personale do të vijojnë të mbeten të sekuestruara.
Ened Nakuçi dhe Edvin Kondili janë prokurorët e SPAK që po kryejnë hetimet lidhur me koncensionin, ndërsa sipas raportimeve në seancën e sotme, Beqaj është pyetur pikërisht për raportin e KLSH-së.
Beqaj ka pohuar se hetimet që po kryhen SPAK vijojnë të jenë shumë të ngushta, ndërsa ai është marrë në pyetje lidhur me koncensionin e sterilizimit.
Beqaj pretendon se hetimet e SPAK nuk janë të plota, duke kërkuar që ato të shtrihen nga viti 2011 deri në 2013-ën, kohë kur socialistët kanë ardhur në pushtet dhe ai është emëruar në krye të Ministrisë së Shëndetësisë.
“Gjithashtu besoj se hetimet, janë ende shumë të ngushta. Duhet të shtrihen në dy pjesë dhe tashmë janë bërë tetë vjet nga zbatimi i kontratës për të provuar përfitimet. Sot avokatët më kanë premtuar se do të më kthejnë pajisjet elektronike”, tha Beqaj.
Pritet që ish-ministri i Shëndetësisë të thërritet sërisht në SPAK për tu pyetur sërisht lidhur me koncensionin e sterlizimit, ndërkohë që nuk dihet koha se kur mund të merret në pyetje. Kjo ishte hera e tretë që Beqaj merret në pyetje, në seanca disa orëshe, lidhur me këtë koncension, ndërsa ndaj tij po kryen hetimet për “shpërdorim detyre”, ndërsa SPAK ka vendosur masën e sigurisë “detyrim paraqitje” dhe ndalim dalje jashtë vendit.
Ndërkohë për koncensionin e sterilizimit ndodhen në burg Klodian Rrjepaj, ish-zv.ministër i Shëndetësisë dhe biznesmeni Ilir Rrapaj.
Ka zgjatur për më shumë se 8 orë seanca e marrjes në pyetje në SPAK ndaj ish-ministrit të Shëndetësisë, Ilir Beqaj, ndaj të cilit krahas çështjes së sterilizimit, po kryhet edhe një hetim financiar mbi pasurinë e tij.
Beqaj ka hyrë në godinën e SPAK rreth orës 09:00 të paradites së sotme dhe ka dalë rreth orës 17:30, ndërsa në një prononcim të shkurtër për mediat tha se i është komunikuar që sendet personale do të vijojnë të mbeten të sekuestruara.
Ened Nakuçi dhe Edvin Kondili janë prokurorët e SPAK që po kryejnë hetimet lidhur me koncensionin, ndërsa sipas raportimeve në seancën e sotme, Beqaj është pyetur pikërisht për raportin e KLSH-së.
Beqaj ka pohuar se hetimet që po kryhen SPAK vijojnë të jenë shumë të ngushta, ndërsa ai është marrë në pyetje lidhur me koncensionin e sterilizimit.
Beqaj pretendon se hetimet e SPAK nuk janë të plota, duke kërkuar që ato të shtrihen nga viti 2011 deri në 2013-ën, kohë kur socialistët kanë ardhur në pushtet dhe ai është emëruar në krye të Ministrisë së Shëndetësisë.
“Gjithashtu besoj se hetimet, janë ende shumë të ngushta. Duhet të shtrihen në dy pjesë dhe tashmë janë bërë tetë vjet nga zbatimi i kontratës për të provuar përfitimet. Sot avokatët më kanë premtuar se do të më kthejnë pajisjet elektronike”, tha Beqaj.
Pritet që ish-ministri i Shëndetësisë të thërritet sërisht në SPAK për tu pyetur sërisht lidhur me koncensionin e sterlizimit, ndërkohë që nuk dihet koha se kur mund të merret në pyetje. Kjo ishte hera e tretë që Beqaj merret në pyetje, në seanca disa orëshe, lidhur me këtë koncension, ndërsa ndaj tij po kryen hetimet për “shpërdorim detyre”, ndërsa SPAK ka vendosur masën e sigurisë “detyrim paraqitje” dhe ndalim dalje jashtë vendit.
Ndërkohë për koncensionin e sterilizimit ndodhen në burg Klodian Rrjepaj, ish-zv.ministër i Shëndetësisë dhe biznesmeni Ilir Rrapaj.
