Nga Nertila Licaj
Punimet me thupra, një mjeshtri e vjetër e komunitetit rom është lënë në harresë për mungesë të tregut të shitjes.
Aktivistët e LRER-së në Elbasan e konsiderojnë një mundësi reale vetëpunësimi këtë traditë të komunitetit rom. Ata kërkojnë të gjejnë hapësira vetëpunësimi, duke krijuar mundësi të promovimit të punimeve në panaire të ndryshme, me qëllim gjetjen e tregut të shitjes.
Efektet pozitive nuk kanë munguar. Një sërë biznesesh kanë shprehur interes dhe kanë bërë kërkesë për objekte të ndryshme të punuara me thupra. Aktivistët kanë mundësuar zhvillimin e një kursi, ku një mjeshtër i punimit të thuprave i mëson disa anëtarëve të papunë, të komunitetit egjiptian mjeshtrinë. Qëllimi është krijimi i një grupi që do të arrijë të vetëpunësohet duke shitur punimet e tyre.
