Pas apelit të Ambasadave në vendin tonë për dialog mes palëve në Kuvend, Gazment Bardhi, kreu i grupit parlamentar të Partisë Demokratike, tha se nuk ka asnjë reflektim nga ana e mazhorancës.
I ftuar në studion e A2 CNN, Bardhi tha se mazhoranca jo vetëm nuk ka reflektuar, por ka shtuar “dhunën” ndaj opozitës, dhe pse sipas tij, kjo e fundit është e gatshme për dialog.
“Është gjëja më normale që kur opozita kërkon një të drejtë të saj, mazhoranca të thotë po ulem që ta dëgjoj, por jo vetëm nuk po ulet, por shtojnë masat, për të mohuar më shumë të drejtat e opozitës”, tha Bardhi.
Kalimin e projekt buxhetit 2024 pa dialog, në më pak se 5 minuta, Bardhi tha se opozita nuk ndjen asnjë përgjegjësi morale, për shkak se parlamenti nuk po funksionon ashtu siç duhet. Ai shton se do të kishte përgjegjësi në rast se Kuvendi do të funksiononte sipas ligjit dhe në rast se opozita do të heshtte. Mirëpo, sipas tij, një gjë e tillë nuk ka ndodhur, por mazhoranca i ka injoruar krejtësisht propozimet e tyre.
“Përgjegjësi morale ne do të ndjenim nëse do lejonim kalimin e buxhetit pa debat nëse situata në Kuvend do ishte normale, në një kuvend ku opozitës i mohohen të drejtat minimale, ju prisni që shumicës të reflektojë ndaj reflektimeve që bën opozita, në nuk po na njohin të drejtat minimale, jo që ne të japim ide dhe që maxhoranca të reflektojë dhe të marrë parasysh propozimin tonë, është vënë në pikëpyetje nëse kemi të bëjmë me një parlament diktatorial apo normal”, tha Bardhi.
Në më shumë se një muaj protesta, Bardhi liston atë se çfarë opozita ka arritur deri tani.
”Kemi ndërgjegjësuar qytetarët shqiptar, por edhe faktorin ndërkombëtar që situata në Kuvend nuk është ajo që duhet. Për të ndërgjegjësuar opinionin që ky njeri ka vendosur që të shkrijë parlamentin, të shkrijë opozitën, mundësisht të emëroj një opozitë siç e dëshiron ai dhe të paraqesë situatën në botë se Shqipëria është një vend demokratik dhe ne kemi për detyrë që t’ia pasqyrojmë që ky s’është realiteti”, shtoi ai.
Pas apelit të Ambasadave në vendin tonë për dialog mes palëve në Kuvend, Gazment Bardhi, kreu i grupit parlamentar të Partisë Demokratike, tha se nuk ka asnjë reflektim nga ana e mazhorancës.
I ftuar në studion e A2 CNN, Bardhi tha se mazhoranca jo vetëm nuk ka reflektuar, por ka shtuar “dhunën” ndaj opozitës, dhe pse sipas tij, kjo e fundit është e gatshme për dialog.
“Është gjëja më normale që kur opozita kërkon një të drejtë të saj, mazhoranca të thotë po ulem që ta dëgjoj, por jo vetëm nuk po ulet, por shtojnë masat, për të mohuar më shumë të drejtat e opozitës”, tha Bardhi.
Kalimin e projekt buxhetit 2024 pa dialog, në më pak se 5 minuta, Bardhi tha se opozita nuk ndjen asnjë përgjegjësi morale, për shkak se parlamenti nuk po funksionon ashtu siç duhet. Ai shton se do të kishte përgjegjësi në rast se Kuvendi do të funksiononte sipas ligjit dhe në rast se opozita do të heshtte. Mirëpo, sipas tij, një gjë e tillë nuk ka ndodhur, por mazhoranca i ka injoruar krejtësisht propozimet e tyre.
“Përgjegjësi morale ne do të ndjenim nëse do lejonim kalimin e buxhetit pa debat nëse situata në Kuvend do ishte normale, në një kuvend ku opozitës i mohohen të drejtat minimale, ju prisni që shumicës të reflektojë ndaj reflektimeve që bën opozita, në nuk po na njohin të drejtat minimale, jo që ne të japim ide dhe që maxhoranca të reflektojë dhe të marrë parasysh propozimin tonë, është vënë në pikëpyetje nëse kemi të bëjmë me një parlament diktatorial apo normal”, tha Bardhi.
Në më shumë se një muaj protesta, Bardhi liston atë se çfarë opozita ka arritur deri tani.
”Kemi ndërgjegjësuar qytetarët shqiptar, por edhe faktorin ndërkombëtar që situata në Kuvend nuk është ajo që duhet. Për të ndërgjegjësuar opinionin që ky njeri ka vendosur që të shkrijë parlamentin, të shkrijë opozitën, mundësisht të emëroj një opozitë siç e dëshiron ai dhe të paraqesë situatën në botë se Shqipëria është një vend demokratik dhe ne kemi për detyrë që t’ia pasqyrojmë që ky s’është realiteti”, shtoi ai.
