Belind Këlliçi, ish-deputet i PD-së dhe një nga kandidatët për kryebashkiak të Tiranës në zgjedhjet e 14 majit, tha mbrëmjen e sotme se po përgatitet një tjetër dosje që do të depozitohet në SPAK ndaj Bashkisë së Tiranës.
Këlliçi tha se padia e rradhës do jetë gati këtë javë, ndërsa në Syri TV, zbardhi detaje nga ajo që përmban dosja.
“Këtë javë bëhet gati padia e radhës për pronën dhe landfillin e Sharrës që ka të bëjë me inceneratorin e Tiranës, që sërish unë besoj se do të vijë një moment që SPAK do të veprojë me bashkinë e Tiranës. Kjo punë do të shkojë tek përgjegjësi i vërtetë, që është kryetari i bashkisë së Tiranës”, tha Këlliçi.
Ndërsa shprehu bindjen se do të vijë një ditë që SPAK do të veprojë ndaj Bashkisë së Tiranës dhe kryebashkiakut Erion Veliaj, Këlliçi tha se me paditë që po depozitohen po i japim mundësinë SPAK-ut që të ngrihet në lartësinë e pritshmërive që ka opinioni publik.
“SPAK është i kontrolluar dhe po luan me disa regji. Është e pamundur që unë si ish-deputet, anëtar i kryesisë së PD-së, kandidat për bashkinë e Tiranës, që unë të kem dërguar deri më tani 7-8 kallëzime në SPAK, të faktuara, ta kem kapur në flagrancë bashkinë e Tiranës te rruga ‘Xhon Belushi’ që hap tender dhe pastaj e shtron rrugën me asfaltin dhe makineritë dhe shpall një procedurë tenderi fiktive për ti dhënë paratë një kompanie në mënyrë fiktive për ti hedhur në zgjedhje dhe kanë kaluar 11 muaj dhe nuk ka ndodhur asgjë”, tha ai.
Belind Këlliçi, ish-deputet i PD-së dhe një nga kandidatët për kryebashkiak të Tiranës në zgjedhjet e 14 majit, tha mbrëmjen e sotme se po përgatitet një tjetër dosje që do të depozitohet në SPAK ndaj Bashkisë së Tiranës.
Këlliçi tha se padia e rradhës do jetë gati këtë javë, ndërsa në Syri TV, zbardhi detaje nga ajo që përmban dosja.
“Këtë javë bëhet gati padia e radhës për pronën dhe landfillin e Sharrës që ka të bëjë me inceneratorin e Tiranës, që sërish unë besoj se do të vijë një moment që SPAK do të veprojë me bashkinë e Tiranës. Kjo punë do të shkojë tek përgjegjësi i vërtetë, që është kryetari i bashkisë së Tiranës”, tha Këlliçi.
Ndërsa shprehu bindjen se do të vijë një ditë që SPAK do të veprojë ndaj Bashkisë së Tiranës dhe kryebashkiakut Erion Veliaj, Këlliçi tha se me paditë që po depozitohen po i japim mundësinë SPAK-ut që të ngrihet në lartësinë e pritshmërive që ka opinioni publik.
“SPAK është i kontrolluar dhe po luan me disa regji. Është e pamundur që unë si ish-deputet, anëtar i kryesisë së PD-së, kandidat për bashkinë e Tiranës, që unë të kem dërguar deri më tani 7-8 kallëzime në SPAK, të faktuara, ta kem kapur në flagrancë bashkinë e Tiranës te rruga ‘Xhon Belushi’ që hap tender dhe pastaj e shtron rrugën me asfaltin dhe makineritë dhe shpall një procedurë tenderi fiktive për ti dhënë paratë një kompanie në mënyrë fiktive për ti hedhur në zgjedhje dhe kanë kaluar 11 muaj dhe nuk ka ndodhur asgjë”, tha ai.
