Arlind Qori, kreu i Lëvizjes Bashkë, akuzon Erion Veliajn, kryebashkiakun e Tiranës, si përgjegjësin kryesor për kaosin që u shkaktua sot në Tiranë si pasojë e motit të keq.
Në një video të publikuar në rrjetet sociale, Qori kap një aspekt ndryshe lidhur me atë se çfarë ndodhi sot në Tiranë, si pasojë e përmbytjeve të shkaktuara.
E ndërsa nga Kryebashkiaku Erion Veliaj dhe më pas edhe nga Kryeministri Edi Rama, i janë drejtuar apele qytetarëve që të shmangin daljet e panevojshme, veçanërisht me automjete, Qori shprehet se në Tiranë nuk ka transport të rregullt urban.
Në këtë kuadër ai kujton premtimin e Veliajt për korsitë e veçanta të autobusëve që do ndërtoheshin në Tiranë, dhe sot pas 9 vitesh ky premtim nuk është realizuar.
“Përveç faktit se linjat e transportit urban janë privatizuar nga oligarkët, sot në Tiranë nuk ka një korsi autobusësh, çka do të thotë se autobusi duhet të presë në trafik njëlloj si çdo automjet, duke krijuar kaos në lëvizjen e qytetarëve”, shprehet Qori. Sipas tij, fakti që s’ka një transport të rregullt publik, krijon kaos, pasi ka një shtim të automjeteve që qarkullojnë.
Gjithashtu Qori vë gishtin në korrupsionin që ndodh dhe që shkakton gjithë këtë problematikë që evidentohet sa herë që ka reshje.
Arlind Qori, kreu i Lëvizjes Bashkë, akuzon Erion Veliajn, kryebashkiakun e Tiranës, si përgjegjësin kryesor për kaosin që u shkaktua sot në Tiranë si pasojë e motit të keq.
Në një video të publikuar në rrjetet sociale, Qori kap një aspekt ndryshe lidhur me atë se çfarë ndodhi sot në Tiranë, si pasojë e përmbytjeve të shkaktuara.
E ndërsa nga Kryebashkiaku Erion Veliaj dhe më pas edhe nga Kryeministri Edi Rama, i janë drejtuar apele qytetarëve që të shmangin daljet e panevojshme, veçanërisht me automjete, Qori shprehet se në Tiranë nuk ka transport të rregullt urban.
Në këtë kuadër ai kujton premtimin e Veliajt për korsitë e veçanta të autobusëve që do ndërtoheshin në Tiranë, dhe sot pas 9 vitesh ky premtim nuk është realizuar.
“Përveç faktit se linjat e transportit urban janë privatizuar nga oligarkët, sot në Tiranë nuk ka një korsi autobusësh, çka do të thotë se autobusi duhet të presë në trafik njëlloj si çdo automjet, duke krijuar kaos në lëvizjen e qytetarëve”, shprehet Qori. Sipas tij, fakti që s’ka një transport të rregullt publik, krijon kaos, pasi ka një shtim të automjeteve që qarkullojnë.
Gjithashtu Qori vë gishtin në korrupsionin që ndodh dhe që shkakton gjithë këtë problematikë që evidentohet sa herë që ka reshje.
