Prej ditësh opozita ka nisur një aksion opozitar në Parlament, duke bllokuar jo vetëm zhvillimin normal të seancave, por edhe komisioneve parlamentare.
Opozita zgjodhi këtë rrugë proteste, pasi nga mazhoranca iu refuzuan kërkesat për ngritje të komisioneve hetimore, por edhe përfaqësuesit e saj në Komisionin e Posaçëm të Reformës Zgjedhore.
Deri më sot ka pasur reagime sporadike të deputetëve të PS-së apo ministrave, që më së shumti kanë thënë një fjali shabllon, të dikutuar ose shkruar nga dikush tjetër, të mësuar përmendësh, duke mos i dhënë shumë rëndësi ose vëmendje, sipas tyre, aksionit opozitar.
Por, Elisa Spiropali, ministre për Marrëdhëniet me Parlamentin, përmes rrjetit social, i bën thirrje deputetëve të opozitës të kthehen në Kuvend dhe të bëjnë punën e tyre.
“Sot, në shkelje të plotë të çdo ligji, rregulli dhe kodi, duke nëpërkëmbur detyrën dhe përdhosur misionin kushtetues, disa deputetë të opozitës, kanë dhunuar institucionet e Kuvendit duke dashur të pengojnë prezantimin e Buxhetit 2024 në Konferencën e Kryetarëve dhe në Komisione Parlamentare. Të nderuar kolegë dhe kolege: nuk jua kanë fajin dyert e Kuvendit! Dera ku kanë thirrur të përgjigjet të parin tuaj, as hapet prej nesh, as mbyllet prej nesh. Koha kur ajo derë hapej për armiqtë dhe mbyllej për shokët, aleatët dhe miqtë ka marrë fund. Kuptojeni! Kthehuni në Kuvend dhe bëni punën tuaj”, shkruan Spiropali.
Tashmë me këtë mesazh në rrjet, duket se Spiropali, ka udhëzuar edhe kolegët e tjerë të PS-së, për linjën që duhet të ndjekin dhe gjuhën që duhet të përdorin, sa herë mund të pyeten lidhur me aksionin opozitar.
Ndoshta në ditët në vijim, do të ketë një tjetër mesazh udhëzues, kjo në varësi të situatës…
Prej ditësh opozita ka nisur një aksion opozitar në Parlament, duke bllokuar jo vetëm zhvillimin normal të seancave, por edhe komisioneve parlamentare.
Opozita zgjodhi këtë rrugë proteste, pasi nga mazhoranca iu refuzuan kërkesat për ngritje të komisioneve hetimore, por edhe përfaqësuesit e saj në Komisionin e Posaçëm të Reformës Zgjedhore.
Deri më sot ka pasur reagime sporadike të deputetëve të PS-së apo ministrave, që më së shumti kanë thënë një fjali shabllon, të dikutuar ose shkruar nga dikush tjetër, të mësuar përmendësh, duke mos i dhënë shumë rëndësi ose vëmendje, sipas tyre, aksionit opozitar.
Por, Elisa Spiropali, ministre për Marrëdhëniet me Parlamentin, përmes rrjetit social, i bën thirrje deputetëve të opozitës të kthehen në Kuvend dhe të bëjnë punën e tyre.
“Sot, në shkelje të plotë të çdo ligji, rregulli dhe kodi, duke nëpërkëmbur detyrën dhe përdhosur misionin kushtetues, disa deputetë të opozitës, kanë dhunuar institucionet e Kuvendit duke dashur të pengojnë prezantimin e Buxhetit 2024 në Konferencën e Kryetarëve dhe në Komisione Parlamentare. Të nderuar kolegë dhe kolege: nuk jua kanë fajin dyert e Kuvendit! Dera ku kanë thirrur të përgjigjet të parin tuaj, as hapet prej nesh, as mbyllet prej nesh. Koha kur ajo derë hapej për armiqtë dhe mbyllej për shokët, aleatët dhe miqtë ka marrë fund. Kuptojeni! Kthehuni në Kuvend dhe bëni punën tuaj”, shkruan Spiropali.
Tashmë me këtë mesazh në rrjet, duket se Spiropali, ka udhëzuar edhe kolegët e tjerë të PS-së, për linjën që duhet të ndjekin dhe gjuhën që duhet të përdorin, sa herë mund të pyeten lidhur me aksionin opozitar.
Ndoshta në ditët në vijim, do të ketë një tjetër mesazh udhëzues, kjo në varësi të situatës…
