Qeveria miratoi në mbledhjen e saj të fundit projekt-buxhetin për vitin 2024, i cili pritet të diskutohet në Komisionet Parlamentare dhe më pas të miratohet nga Kuvendi.
Referuar projekt-buxhetit, në dispozicion për vitin e ardhshëm do të jenë 735.9 miliardë lekë. Nga këto, 1.2 miliardë lekë janë pagesat për inceneratorin e Tiranës që nuk ekziston, shkruan CNA. Madje inceneratori i Tiranës është sekuestruar edhe nga SPAK, në kuadrin e hetimeve që po kryhen, ndërsa prokurorët tregohen të rezervuar lidhur me ecurinë e procedurave hetimore.
Por edhe pse nuk ka incenerator, kjo tashmë e faktuar me video e foto të publikuara, sërisht në buxheti parashikohet shuma prej 1.2 mld lekësh. Deri më tani në këtë “incenerator” janë derdhur rreth 110 mln euro, dhe sërisht vitin e ardhshëm do të derdhen edhe 1.2 mld lekë.
Në daljet publike, Kryeministri Edi Rama ka mbrojtur projektet e inceneratorëve, pavarësisht se ka pranuar abuzimet që pas kurrizit të tij mund të kenë ndodhur me ato që i konsideroi si “shpëtimin” e vendit nga plehrat.
E bashkë me plehrat që depozitohen në vendet e përcaktuara për incenerator, groposen edhe miliarda lekë, të taksapaguesve shqiptarë, më të varfërit në Europë.
Ministria e Financave thotë se me këtë projektbuxhet mbështeten sektorët prioritarë si arsimi, shëndetësia, mbrojtja sociale, bujqësia, energjia si dhe infrastruktura. Në total investimet për vitin që vjen kapin shifrën e 1.2 miliardë euro.
Po ashtu në draft është specifikuar që për vitin që vjen do të jepen 77 milionë euro për bonusin e pensioneve dhe për indeksimin e pensioneve.
Ndërsa janë parashikuar 110 milionë euro që do të shkojnë për reformën e pagave që parashikon rritjen e rrogave për punonjësit e sistemit shëndetësor, arsimorë, punonjësit me grada dhe nëpunësit e administratës publike. Kjo rritje do të nisë nga 1 korriku i vitit 2024, ndërsa rritja tjetër kësaj kategorie iu bë në prill të këtij viti.
Qeveria miratoi në mbledhjen e saj të fundit projekt-buxhetin për vitin 2024, i cili pritet të diskutohet në Komisionet Parlamentare dhe më pas të miratohet nga Kuvendi.
Referuar projekt-buxhetit, në dispozicion për vitin e ardhshëm do të jenë 735.9 miliardë lekë. Nga këto, 1.2 miliardë lekë janë pagesat për inceneratorin e Tiranës që nuk ekziston, shkruan CNA. Madje inceneratori i Tiranës është sekuestruar edhe nga SPAK, në kuadrin e hetimeve që po kryhen, ndërsa prokurorët tregohen të rezervuar lidhur me ecurinë e procedurave hetimore.
Por edhe pse nuk ka incenerator, kjo tashmë e faktuar me video e foto të publikuara, sërisht në buxheti parashikohet shuma prej 1.2 mld lekësh. Deri më tani në këtë “incenerator” janë derdhur rreth 110 mln euro, dhe sërisht vitin e ardhshëm do të derdhen edhe 1.2 mld lekë.
Në daljet publike, Kryeministri Edi Rama ka mbrojtur projektet e inceneratorëve, pavarësisht se ka pranuar abuzimet që pas kurrizit të tij mund të kenë ndodhur me ato që i konsideroi si “shpëtimin” e vendit nga plehrat.
E bashkë me plehrat që depozitohen në vendet e përcaktuara për incenerator, groposen edhe miliarda lekë, të taksapaguesve shqiptarë, më të varfërit në Europë.
Ministria e Financave thotë se me këtë projektbuxhet mbështeten sektorët prioritarë si arsimi, shëndetësia, mbrojtja sociale, bujqësia, energjia si dhe infrastruktura. Në total investimet për vitin që vjen kapin shifrën e 1.2 miliardë euro.
Po ashtu në draft është specifikuar që për vitin që vjen do të jepen 77 milionë euro për bonusin e pensioneve dhe për indeksimin e pensioneve.
Ndërsa janë parashikuar 110 milionë euro që do të shkojnë për reformën e pagave që parashikon rritjen e rrogave për punonjësit e sistemit shëndetësor, arsimorë, punonjësit me grada dhe nëpunësit e administratës publike. Kjo rritje do të nisë nga 1 korriku i vitit 2024, ndërsa rritja tjetër kësaj kategorie iu bë në prill të këtij viti.
