“E ardhmja e faktorit shqiptar është e ndritur, vetëm nëse jemi bashkë dhe vendosim të jemi faktor progresi e paqeje”
“Luftën nuk e kemi mes veti”, shkruan deputetja e PDIU-së, Mesila Doda lidhur me debatin që ka pasuar vizitën e kryeministrit Rama në Beograd. Përmes një mesazhi në facebook, deputetja Mesila Doda thekson se ata që po i mëshojnë idesë së “kombit kosovar” nuk e kanë nga dashamirësia, por nga pozitat e ulëta të intrigantit të vogël e kompleksit të inferioritetit të politikanit e intelektualit të paformuar.
Ja çfarë shkruan Doda:
“Sa ndihmësa paska pas’ Beogradi… e detyrueshme të rrisim presionin e opinionit publik mbi këta filozofët e kombit kosovar. Nuk e kanë nga dashamirësia, e as nga vizioni europian… e kanë nga sindroma e Stokholmit dhe nga mendësia e intrigantit të vogël e kompleksit të inferioritetit të politikanit e intelektualit të paformuar.
Kundër çdo tentative për te përçarë Kombin. E ardhmja e faktorit shqiptar është e ndritur vetëm nëse jemi bashkë dhe vendosim të jemi faktor progresi e paqeje. Luftën nuk e kemi mes veti.”
