Kristiano Ronaldo nuk është më vendimtar për Realin e Madridit.
Edhe pse ai ruan një mesatare të frikshme golash, me më shumë se një gol për ndeshje, portugezi e ka humbur shkëlqimin e tij.
Kjo, për shkak se golat e tij janë shënuar në pak ndeshje, dhe jo në vazhdimësi.
Ronaldo është aktivizuar në 29 takime gjatë 2015-2016-ës, por ka mundur të shënojë në vetëm 14 takime.
Kjo nuk i kishte ndodhur kurrë më parë.
Në çdo sezon tjetër, me përjashtim të atij 2010-2011, Ronaldo ka mundur të realizojë në mbi 60% të ndeshjeve.
Nëse do të hiqeshin të gjitha golat e Ronaldos gjatë këtij sezoni të La Ligas, Reali do t’i kishte fituar sërish të gjitha ndeshjet.
Ndërsa pa golat e Ronaldos sezonin e kaluar Reali i Madridit do të kishte grumbulluar 10 pikë më pak.
