Dueli mes Belgjikës dhe Suedisë, që i takoi kualifikimeve për “Euro 2024”, nuk përfundoi të hënën mbrëma. Ndërprerja erdhi si pasojë e një sulmi me armë në Bruksel që çoi në vdekjen e dy tifozëve suedezë. Për shkak të kërkesës së lojtarëve të Suedisë, të dyja ekipet nuk u kthyen në fushën e stadiumit “King Baudouin” pas pjesës së parë.
Në këtë situatë, UEFA zakonisht kërkon që 45 minutat e mbetur të ndeshjes të zhvillohen sa më shpejt që të jetë e mundur. Në disa raste skuadrat janë takuar sërish të nesërmen për ta përfunduar ndeshjen prapa dyerve të mbyllura. Mirëpo, ky nuk do të jetë rast këtë herë pasi futbollistët e dyja përfaqësueseve janë shpërndarë nga grumbullimi të hënën mbrëma. Futbollistët e Suedisë dhe të Belgjikës janë kthyer të martën nëpër klubet e tyre dhe asnjëra prej përfaqësueseve nuk ka dëshirë që ndeshja e ndërprerë të zhvillohet kurdo qoftë.
Suedezët prej stadiumit ku qëndruan për më shumë se dy orë të mbyllur për arsye sigurie, kanë shkuar direkt në aeroport për t’u larguar nga Belgjika. Ata janë larguar në mesnatë, ndërsa rreth 650 tifozë kanë lëshuar stadiumin në katër të mëngjesit nën përcjelljen e policisë belge, e cila ka ruajtur edhe hotelet ku ishin të akomoduar. UEFA nuk ka dhënë një datë të saktë për zhvillimin e pjesës së dytë të këtij takimi, ndonëse në njoftim ka shkruar se një vendim do të merret më vonë. Duke pasur parasysh se Suedia ishte përgjegjëse për t’i dhënë fund takimit, atëherë mund ta humb me rezultatin zyrtar. Mirëpo, në Federatën e Futbollit të Belgjikës kanë insistuar se nuk duan një gjë të tillë. Madje, belgët kanë insistuar se nuk do të kërkojnë që ndeshja të regjistrohet me rezultat zyrtar në favor të tyre, por as nuk do të duan ta vazhdojnë pjesën e dytë. Sipas tyre zgjidhja ideale do të jetë që ndeshja të regjistrohet me rezultatin që u ndërpre – 1:1.
Madje federata belge do të bëjë kërkesë në UEFA për këtë ide edhe pse e rrezikon vendin e parë në Grupin F. Aktualisht Belgjika ka 16 pikë, sa i ka edhe Austria, përfaqësuese që tashmë kanë siguruar pjesëmarrjen në Evropianin e vitit të ardhshëm.
“Nuk do të kërkojmë në asnjë mënyrë që Suedia ta humb ndeshjen me rezultatin zyrtar. Ne duam të tregojmë respekt pas asaj që ndodhi të hënën mbrëma. Ne duhet të tregohemi madhështor dhe do të mbetemi të tillë”, ka thënë Manu Leroy, kryetari i përkohshëm i federatës belge për të përditshmen “Le Soir” të martën. “Zgjidhja më e mirë është që ndeshja të regjistrohet me rezultatin 1:1. Ne do ta kontaktojmë federatën suedeze, UEFA-n dhe federatën austriake për të bërë presion që të regjistrohet me rezultatin që ishte në fushë”.
Federata belge ka thënë se shpreson të ketë edhe mirëkuptimin e UEFA-s dhe federatës austriake.
“Mbetet të shihet reagimi i tyre, mirëpo në këtë pikë është e nevojshme të tregohet etika dhe morali. Në aspektin sportiv barazimi 1:1 nuk na konvenon pasi mund ta humbim vendin e parë por kjo nuk na intereson aspak për shkak se duam të tregohemi njerëzor”, u shpreh Leroy.
Ndërsa Belgjika u zgjua në një gjendje shoku pas atij sulmi, shumë shkolla mbetën të mbyllura të martën. Alarmi për terror në Bruksel u ngrit brenda natës në nivelin 4, shkalla më e lartë në Belgjikë, duke treguar një kërcënim jashtëzakonisht serioz. Niveli i alarmit për pjesën tjetër të vendit u ngrit në 3.
“Ne duam të falënderojmë të gjithë tifozët në stadium për mirëkuptimin dhe mbështetjen e tyre në këto rrethana të vështira”, ka shkruar përfaqësuesja belge në rrjetet sociale. “Mendimet tona janë me suedezët, shpresojmë që të gjithë të kthehen në shtëpi të sigurt”.
I dyshuari për të shtënat e së hënës mbrëma u qëllua për vdekje nga policia të martën në mëngjes, tha ministrja e punëve të brendshme të Belgjikës Annelies Verlinden. Arma që besohet të jetë përdorur nga sulmuesi është gjetur.
Dueli mes Belgjikës dhe Suedisë, që i takoi kualifikimeve për “Euro 2024”, nuk përfundoi të hënën mbrëma. Ndërprerja erdhi si pasojë e një sulmi me armë në Bruksel që çoi në vdekjen e dy tifozëve suedezë. Për shkak të kërkesës së lojtarëve të Suedisë, të dyja ekipet nuk u kthyen në fushën e stadiumit “King Baudouin” pas pjesës së parë.
Në këtë situatë, UEFA zakonisht kërkon që 45 minutat e mbetur të ndeshjes të zhvillohen sa më shpejt që të jetë e mundur. Në disa raste skuadrat janë takuar sërish të nesërmen për ta përfunduar ndeshjen prapa dyerve të mbyllura. Mirëpo, ky nuk do të jetë rast këtë herë pasi futbollistët e dyja përfaqësueseve janë shpërndarë nga grumbullimi të hënën mbrëma. Futbollistët e Suedisë dhe të Belgjikës janë kthyer të martën nëpër klubet e tyre dhe asnjëra prej përfaqësueseve nuk ka dëshirë që ndeshja e ndërprerë të zhvillohet kurdo qoftë.
Suedezët prej stadiumit ku qëndruan për më shumë se dy orë të mbyllur për arsye sigurie, kanë shkuar direkt në aeroport për t’u larguar nga Belgjika. Ata janë larguar në mesnatë, ndërsa rreth 650 tifozë kanë lëshuar stadiumin në katër të mëngjesit nën përcjelljen e policisë belge, e cila ka ruajtur edhe hotelet ku ishin të akomoduar. UEFA nuk ka dhënë një datë të saktë për zhvillimin e pjesës së dytë të këtij takimi, ndonëse në njoftim ka shkruar se një vendim do të merret më vonë. Duke pasur parasysh se Suedia ishte përgjegjëse për t’i dhënë fund takimit, atëherë mund ta humb me rezultatin zyrtar. Mirëpo, në Federatën e Futbollit të Belgjikës kanë insistuar se nuk duan një gjë të tillë. Madje, belgët kanë insistuar se nuk do të kërkojnë që ndeshja të regjistrohet me rezultat zyrtar në favor të tyre, por as nuk do të duan ta vazhdojnë pjesën e dytë. Sipas tyre zgjidhja ideale do të jetë që ndeshja të regjistrohet me rezultatin që u ndërpre – 1:1.
Madje federata belge do të bëjë kërkesë në UEFA për këtë ide edhe pse e rrezikon vendin e parë në Grupin F. Aktualisht Belgjika ka 16 pikë, sa i ka edhe Austria, përfaqësuese që tashmë kanë siguruar pjesëmarrjen në Evropianin e vitit të ardhshëm.
“Nuk do të kërkojmë në asnjë mënyrë që Suedia ta humb ndeshjen me rezultatin zyrtar. Ne duam të tregojmë respekt pas asaj që ndodhi të hënën mbrëma. Ne duhet të tregohemi madhështor dhe do të mbetemi të tillë”, ka thënë Manu Leroy, kryetari i përkohshëm i federatës belge për të përditshmen “Le Soir” të martën. “Zgjidhja më e mirë është që ndeshja të regjistrohet me rezultatin 1:1. Ne do ta kontaktojmë federatën suedeze, UEFA-n dhe federatën austriake për të bërë presion që të regjistrohet me rezultatin që ishte në fushë”.
Federata belge ka thënë se shpreson të ketë edhe mirëkuptimin e UEFA-s dhe federatës austriake.
“Mbetet të shihet reagimi i tyre, mirëpo në këtë pikë është e nevojshme të tregohet etika dhe morali. Në aspektin sportiv barazimi 1:1 nuk na konvenon pasi mund ta humbim vendin e parë por kjo nuk na intereson aspak për shkak se duam të tregohemi njerëzor”, u shpreh Leroy.
Ndërsa Belgjika u zgjua në një gjendje shoku pas atij sulmi, shumë shkolla mbetën të mbyllura të martën. Alarmi për terror në Bruksel u ngrit brenda natës në nivelin 4, shkalla më e lartë në Belgjikë, duke treguar një kërcënim jashtëzakonisht serioz. Niveli i alarmit për pjesën tjetër të vendit u ngrit në 3.
“Ne duam të falënderojmë të gjithë tifozët në stadium për mirëkuptimin dhe mbështetjen e tyre në këto rrethana të vështira”, ka shkruar përfaqësuesja belge në rrjetet sociale. “Mendimet tona janë me suedezët, shpresojmë që të gjithë të kthehen në shtëpi të sigurt”.
I dyshuari për të shtënat e së hënës mbrëma u qëllua për vdekje nga policia të martën në mëngjes, tha ministrja e punëve të brendshme të Belgjikës Annelies Verlinden. Arma që besohet të jetë përdorur nga sulmuesi është gjetur.
