Eduart Ndocaj pretendon se është kërcënuar nga prefekti i Lezhës, Altin Jaku.
Ai ka publikuar edhe mesazhin që i është dërguar në telefon.
“Të prek aty ku nuk ke shpëtim.
Nuk ka perëndi që të shpëton”, thuhet në mesazhin që Ndocaj pretendon se ia ka nisur prefekti i Lezhës.
Por, Jaku shprehet se nuk i ka dërguar ndonjë mesazh Ndocajt, edhe pse numri nga i cili i është dërguar mesazhi, është i tij.
Më herët ai ka thënë se është kërcënuar edhe nga vëllai i Arben Ndokës.
Për këtë arsye, Ndocaj i dërgoi një letër ambasadorit amerikan dhe kreut të grupit parlamentar të PS-së, Gramoz Ruçi.
Prefekti i Lezhës publikon sms-të me Ndocajn
Prefekti i Lezhës, Altin Jaku, ka reaguar pas akuzave të Eduart Ndocajt, se ai e ka kërcënuar me jetë.
Ai ka publikuar mesazhet që ka shkëmbyer me Ndocajn, duke treguar se nuk e ka kërcënuar.
Por, në mesazhe vihet re qartë mënyrë skandaloze e komunikimit mes tyre.
“Ndjese qe me duhet te shpjegohem per njeri si kaubojsi qe ka nje vit qe vetem denigron dhe akuzon . Per sqarim per te gjithe ju miq mundt tju them se kam replikuar me te me sms por ne asnje moment nuk kam kercenuar por i kam kerkuar te fshije nje koment qe kishte bere.
Me poshtë po ju dergoj komentin e tij per te cilin behet fjale, si dhe nje pjese te sms ku shihet qarte qe kemi qene duke repliku dhe asnjehere nuk e kam kercenuar. Me jeshile Jane fjalet e mija!”, shkruan Jaku.
