Qeveria vijon mbledhjen e saj informale në Tepelenë, në ditën e dytë, ndërsa nuk dihet nëse ky takim do të përmbyllet me ndryshime ose jo në kabinetin qeveritar.
Kryeministri Edi Rama duket se ka vendosur t’i mbajë në “ankth” deri në fund ministrat, pavarësisht se në media qarkullojnë variante të ndryshme mbi ndryshimet e mundshme në Qeveri.
Sipas asaj që raportohet nga mediat e ndryshme por edhe analistët, Rama mund të formatojë Qeverinë, duke tentuar të emërojë figura të reja, edhe pse i gjithë procesi duket “hermetik”. Mes emrave të ministrave që qarkullojnë për të lënë pozicionet e tyre janë Delina Ibrahimaj e Financave, Frida Krifca e Bujqësisë, Mirela Kumbaro e Turizmit apo Elva Margariti e Kulturës.
Gjithsesi referuar precedentëve të mëparshëm, Rama është i paparashikuar në lëvizjet që bën në Qeveri, ku në jo pak raste ministrat e shkarkuar apo zëvendësit e tyre, janë njohur me vendimet ose me postime në rrjetet sociale, ose në fjalimet që ka mbajtur Kryeministri në forume partie. Dhe nisur nga kjo nuk është çudi që deri në shtator, Rama të vijojë të mbajë pezull ministrat, sikundër të ushqejë me aludime mediat rreth ndryshimeve në Qeveri.
Mbledhja e sotme pritet të zgjasë deri në orën 13:00, ndërkohë që në ditën e parë është bërë një analizë e thelluar për veprimtarinë e çdo ministrie. Gjithashtu është folur edhe për objektivat e çdo dikasteri për sezonin e ri që nis në shtator.
Mbledhja e ditës së djeshme zgjati rreth 10 orë, teksa lajmin për përfundimin e saj e bëri me dije vetë kryeministri Rama përmes një postimi në Facebook:
“Sapo mbyllëm ditën e parë të mbledhjes së zgjeruar të qeverisë, me debate të dobishme dhe shumë material të vlefshëm për sezonin e ri”, shkroi Rama.
Qeveria vijon mbledhjen e saj informale në Tepelenë, në ditën e dytë, ndërsa nuk dihet nëse ky takim do të përmbyllet me ndryshime ose jo në kabinetin qeveritar.
Kryeministri Edi Rama duket se ka vendosur t’i mbajë në “ankth” deri në fund ministrat, pavarësisht se në media qarkullojnë variante të ndryshme mbi ndryshimet e mundshme në Qeveri.
Sipas asaj që raportohet nga mediat e ndryshme por edhe analistët, Rama mund të formatojë Qeverinë, duke tentuar të emërojë figura të reja, edhe pse i gjithë procesi duket “hermetik”. Mes emrave të ministrave që qarkullojnë për të lënë pozicionet e tyre janë Delina Ibrahimaj e Financave, Frida Krifca e Bujqësisë, Mirela Kumbaro e Turizmit apo Elva Margariti e Kulturës.
Gjithsesi referuar precedentëve të mëparshëm, Rama është i paparashikuar në lëvizjet që bën në Qeveri, ku në jo pak raste ministrat e shkarkuar apo zëvendësit e tyre, janë njohur me vendimet ose me postime në rrjetet sociale, ose në fjalimet që ka mbajtur Kryeministri në forume partie. Dhe nisur nga kjo nuk është çudi që deri në shtator, Rama të vijojë të mbajë pezull ministrat, sikundër të ushqejë me aludime mediat rreth ndryshimeve në Qeveri.
Mbledhja e sotme pritet të zgjasë deri në orën 13:00, ndërkohë që në ditën e parë është bërë një analizë e thelluar për veprimtarinë e çdo ministrie. Gjithashtu është folur edhe për objektivat e çdo dikasteri për sezonin e ri që nis në shtator.
Mbledhja e ditës së djeshme zgjati rreth 10 orë, teksa lajmin për përfundimin e saj e bëri me dije vetë kryeministri Rama përmes një postimi në Facebook:
“Sapo mbyllëm ditën e parë të mbledhjes së zgjeruar të qeverisë, me debate të dobishme dhe shumë material të vlefshëm për sezonin e ri”, shkroi Rama.
