Kryeministri Edi Rama disa ditë më parë propozoi publikisht idenë e një konference ndërkombëtare mes Kosovës dhe Serbisë që do të synonte shtensionimin e situatës mes palëve. Lidhur me propozimin e tij, ka reaguar Bashkimi Evropian.
Sipas BE-së, çdo iniciativë e tillë duhet të koordinohet me ndërmjetësit në dialog dhe palët.
“Ne mirëpresim çdo mbështetje të nivelit të lartë për Dialogun e lehtësuar nga BE-ja për normalizimin e marrëdhënieve ndërmjet Kosovës dhe Serbisë, veçanërisht në këtë moment sfidues. Megjithatë, çdo iniciativë e tillë duhet të koordinohet me Lehtësuesin dhe Palët, të cilët janë të përfshirë në dialog, dhe përfundimisht të vendosin për axhendën dhe ritmin e negociatave të tyre”, tha zëdhënësi i BE-së Peter Stano.
Më 27 qershor kryeministri Edi Rama propozoi mbajtjen e një konference ndërkombëtare për Kosovën dhe Serbinë. Ai bisedoi në Bruksel më zyrtarë të lartë evropianë, përfshirë Michelin.
Rama u shpreh se është koha që të zhvillohet një konferencë e nivelit më të lartë, të thirrur nga Franca e Gjermania, me mbështetje të BE-së dhe SHBA-së, ku të dyja palët të mos ngrihen nga tryeza e dialogut, deri në nënshkrimin e një marrëveshjes së plotë të normalizimit, përfshirë edhe Asosacionin e komunave me shumicë serbe.
Kryeministri Edi Rama disa ditë më parë propozoi publikisht idenë e një konference ndërkombëtare mes Kosovës dhe Serbisë që do të synonte shtensionimin e situatës mes palëve. Lidhur me propozimin e tij, ka reaguar Bashkimi Evropian.
Sipas BE-së, çdo iniciativë e tillë duhet të koordinohet me ndërmjetësit në dialog dhe palët.
“Ne mirëpresim çdo mbështetje të nivelit të lartë për Dialogun e lehtësuar nga BE-ja për normalizimin e marrëdhënieve ndërmjet Kosovës dhe Serbisë, veçanërisht në këtë moment sfidues. Megjithatë, çdo iniciativë e tillë duhet të koordinohet me Lehtësuesin dhe Palët, të cilët janë të përfshirë në dialog, dhe përfundimisht të vendosin për axhendën dhe ritmin e negociatave të tyre”, tha zëdhënësi i BE-së Peter Stano.
Më 27 qershor kryeministri Edi Rama propozoi mbajtjen e një konference ndërkombëtare për Kosovën dhe Serbinë. Ai bisedoi në Bruksel më zyrtarë të lartë evropianë, përfshirë Michelin.
Rama u shpreh se është koha që të zhvillohet një konferencë e nivelit më të lartë, të thirrur nga Franca e Gjermania, me mbështetje të BE-së dhe SHBA-së, ku të dyja palët të mos ngrihen nga tryeza e dialogut, deri në nënshkrimin e një marrëveshjes së plotë të normalizimit, përfshirë edhe Asosacionin e komunave me shumicë serbe.
